ТIабиаьтрал къаралданий

[dropcap]М[/dropcap]ахIачкъалаллал шагьрулуву чансса бакъар инсантал бигьалагайсса ххуй-ххуйсса кIанттурду. Ца мукунсса кIанттун ккаллину бур Редукторный поселокрайсса Ак-гель цIанилусса бяргу.

Утти, бярнил ранггу хъахъи рирщуну, цух уркусса щинал кьанкьгу ришлай дур лагма-ялттунан. Мунин сававгу хьуну дур шагьрулувусса канализациярдал щин бяруву дуруган даву.


[dropcap]М[/dropcap]и щин муксса чапал хьуну дусса дурхха, бярувсса балугъирттангу, инсантурангу нигьачIисса тагьарданий дусса дур. ЛивтIуну бур чIявусса балугъру. КIира шинал хьхьичI Республикалул тIабиаьтрал иширтталсса байсса министерствалул сайки 130 миллион къурушрал харж дурну дур Ак-гель цIубуккан бан. Шагьрулул каялувчитуран аьркинну бивкIссар цинярда бярув нанисса циняв канализацияртту дайщун дан.

Амма, ци багьана, савав хьуссарив, ми дайщун къадурнура лирчIун дур, бяргу кунцIуллуйн кIура баявай бур. Цаппара шиннардил хьхьичIра бярнил тагьарданух къулагъас ххишала дурну диркIссания,бюхъайссия балугъругу сагъну, бяргу, ца дагьани кунма, халкьуннан ххаришиврун личIан. ТIабиаьтрал жунна пишкаш дурсса укунсса ххуйшивуртту дуручлан жуйва­сса буржри.