[dropcap]Ц[/dropcap]Iуссалакрал райондалул «Заманалул чIу» кказитрал бусаврийну, цIанасса ппурттуву райондалул шяраваллил хозяйстварттал хъузалтрал хIаллил лакьлай бур.
Райондалий ссуттил хъуру дургьуну диркIун дур 4633 гектарданий. Ссуттил лачIа бувгьуну бивкIун бур 3390 гектарданий, миннувату 1532 гектарданий лачIа бувгьуну бур СПК-дал, 1858 гектарданий тIурча – КФХ-дал ва ичIаллил хозяйстварттал (подсобные хозяйства). Хъа бувгьуну бия 1243 гектарданий, миннувату СПК-рдал – 850 гектарданий, КФХ-рдал ва ЛПХ-рдал – 393 гектарданий. Хъа лавкьуну бур, ца гектардания ларсун дур 23 центнер.
Июльданий къурагьшиву дагьну душивугу хIисавравун ларсун, хъузалтрал хIарачат буллай бур хIаллил лакьин бюхъайссаксса ччясса мутталий.
Райондалул хозяйстварттаву зий бур 24 комбайн. Ххулув, лазуни лакьлай дия 6 косилка, 12 пресс-подборщик. Цаппара хозяйстварттал комбайнартту цайми районная тIалав бувну бур.
ХIаллил лакьаврил давурттаву хьхьичIунсса ккаккияртту хьун дурну дур: ООО «Гранит», ООО «Даймохк», СПК «Ленин», СПК «Дружба», СПК «Агроном» тIисса хозяйстварттал.
Райондалий ца яла хъунмур хозяйствалун ккаллину дур «Дагестан — 2007» СПК. Мунил хъузалтрал ларкьуну дур 650 тонна къалмул. Райондалий хIаллил лакьаврил давуртту ттигу дайлитIун дурар.
«Заманалул чIу»
кказитрая ХI. Аьдилов
