[dropcap]М[/dropcap]ахъсса шиннардий Ккуллал райондалийн наними ххуллурду ва райондалул вивми ххуллурду бакьин баву итталун багьансса даражалийсса хьунни.
Буллай бур Гъумучату Ваччавсса ххуллугу. Асфальтгу бавкьуну, бакьин бунни ОьхIлилату Кьукуннал шяравун бияннинсса ххуллу. Цаппара шиннардил хьхьичI бакьин бувунни, ххюлгу бивчуну, Хъювхъиял шярава Къянив-Вихьлив-ЧIяв бияннинсса ххуллу. ДукIу бувну къуртал бунни Хъуннеххайхсса ламу. Мукунма Ккул-Хъусрал чулийнмай нанисса ххуллийсса ламугу дукIува къуртал бувунни.
Райондалул вивсса ххуллурдал ялув бавцIуну бур ххуллурдал жаваб дулайсса идара. Ванил каялувчину ур цалла даву кIанийн дуртун дувайсса ТIутIилаев Аьвдулхаликь. Вана уттигу, республикалий баян бувну бивкIсса карантин хьхьара буллан бикIайхту, ва идаралул зузалт бувккунни кьатIув. Вайннал марцI бувунни ххуллурдал зума-къирагъирттайсса кIанттурду. Вания тихунмай бакьин буллантIий бур шяраваллал вивсса махIлардал ххуллурдугу.
ЦIуллу баннав зу, ххуллурдал зузалт!
