[dropcap]А[/dropcap]рвахI кьини, июнь зурул 24-нний, Родопский бульварданул майданнив хьунни апрельданул ахирданий «Вирттал» тIисса Лакрал жагьилтурал ккурандалул сипталийну бая бувну бивкIсса конкурсирттай хьхьичIунсса кIанттурду бувгьуми барча буллалисса мажлис.
Андриана Аьбдуллаева
ДакIнин бутан, Хъунмасса Буттал кIанттул цIанийсса дяъвилий Ххувшаву ларсун 75 шин шаврин хасну баян бувну буссия дяъвилухасса шеърирду пасихIну буккаврил конкурс. АрхIалла най дуссия Кьурандалул аятру дуккаврилмур конкурсгу. Сайки азаруннийн бивсса инсантал гьуртту хьунни кIирагу конкурсрай. ХьхьичIунсса кIанттурду бувгьуминнан буллунни дипломру ва арцуйнусса бахшишру. Бахшишру мукунна дунни конкурс сакин давриву хъуннасса гьурттушинна дурсса Лакрал жагьилтурал ккурандалул вакилтуран.
бувгьусса, Хъусращиял шяравасса Айдаев РахIим (7 шин)
ва Гаргацева Алия (3 шин).
Ххув хьуми барча бунни «Вирттал» цIанилусса Лакрал жагьилтурал ккурандалул председатель Давуд Амировлул, Дагъусттан Республикалул лайкь хьусса артист Самед Буттаевлул, ЦIуссалакрал райондалул имам Мансур Хаваевлул. Цалва ихтилатраву Давуд Амировлул барчаллагь увкунни ва даврин спонсоршиву дурсса МахIачкъала шагьрулул Кировский райондалул бакIчи СалихI Сагидовлухь, Лакрал райондалул бакIчи Юсуп МахIаммадовлухь, ЦIуссалакрал райондалул имам Мансур Хаваевлухь.
ДакIнин бутан, кIирагу конкурс най диркIссар захIматсса, инсантал кьатIув буккаврин ссуссукьушиву диркIсса чIумал. ХьхьичIунми язи бувгьуссар соцсетирдай дирхьусса лайкирдайн бувну.
