Зулла ихтиярду кIулну дикIаншиврул

Росттандартрал федерал агентствалул баян бунни 2020 шинал апрель зурул 2-нний бувксса «Об особенностях предоставления коммунальных услуг собственникам и пользователям помещений в многоквартирных домах и жилых домов» тIисса  424-мур  хIукмулийн бувну,

метрологиялул тIалавшиннарду ххал  дигьин чIун хьусса газрал, щинал, токрал счётчикирттал чIун лахъи дуршиву 2021 шинал январь зурул 21-ннин.


Имара Саидова
Мунийн бувну, ххал дигьин чIун хьуну диркIсса ва чIумува дурксса счетчикирттайн цукунчIавсса манеъшиву къадурну, ишла бувсса газрах, токрах ва щинах арцу ласун аьркинссар миннуха зузисса компаниярттал. Мукунна ххал дигьин аьркинну чIумува дурксса счетчикирттая аьчIа, мунил ялун арцу диян дангу ихтияр дакъассар.
Укунсса хIукму баврил сававгу дур, коронави­рус­ра­цIун  дархIусса тагьар хIасул шав­рийн бувну, нигьачIийсса инфек­циялия буруччаву мурадрай счётчикру ххал дуллалисса пишакартал ва инсантал ххишалану идарарттайх занази къабаву.
Счетчикру ххал дан ихтияр дусса инстанциярдайн бувчIин бавуртту дуллалисса материаллу гьан дурссар метрологиялул федерал агентствалул къуллугърал.
Росстандартрал баян буллай бур,  счетчикру ххал дигьин аьркинссар тIий, букIлакIисса хIарамзадатурая бурувччуну бикIияра тIий. Мукунма, 2020 шинал ахирданийннин счетчикру ххал дигьин тIайла дуккан аьркинссар тIий букIлакIисса хасъсса идарарттаясса пишакартурайнгу вих хьун къабучIишиву.

Читайте также: