Уттигу ца цIусса рейс

Июль зурул 11-нния байбивхьуну, Москавлия АхIмад-Хан Султаннул цIанийсса МахIачкъалаллал аэропортрайн рейсру дуллан най дур S7 Airlines авиакомпания. ЦIуну тIитIлатIисса рейсрайнсса билетру бахлай байбивхьуну бушиву баян бунни авиакомпаниялул прессалул къуллугърал.


Имара Саидова
Шиккува кIицI лаган, S7 Airlines авиакомпания хъанай дур Аьрасатнавусса цивппа заллусса авиакомпаниярттавасса ца яла хъунмур ва хьхьичIунмур. Компаниялул бур уттизаманнул самолетирттал дузал бувсса парк.
Вай рейсру дуллан най бур Airbus ва A320 маркалул гьарта-гьарзасса салонну бусса ттизаманнул самолетирттай. Москавлия «Домодедово» аэропортрая МахIачкъалалийнсса рейс дайдихьлай дур 13:45 ссятраву.

МахIачкъалалия махъуннай Москавлийнсса рейс дайдихьлай дур 17:20 хьусса чIумал. Хьхьунил ссят 8 хьусса чIумал биян тIий бур Москавлийн.
Гьарцагу рейс дайдишин хьхьичI S7 Airlines авиакомпаниялул самолетирттай дуллай буссар дезинфекция. Мукунна самолетрал аптекалуву дуссар пассажиртурансса маскарду, салфеткарду ва катIри. Салоннаву пассажиртуран ккаккан бувну буссар ят бувцуну щябикIансса кIанттурду.
Рейсрайнсса билетру машан ласун бюхъайссар www.s7.ru сайтрай. Балжину кIул бан ва билетру тIалав бан оьвчин бюхъайссар ва телефондалийн: 8-800-700-07-07.

Читайте также: