Сарикъумрай бищунтIиссар ПаччахIлугърал ттугъ

[dropcap]И[/dropcap]юньдалул 12-нний жулла республикалийсса Щалагу Аьрас­атнал Халкьуннал фронтрал отделениялул «Жул ттугъ» тIисса акция дувантIиссар. Ва акция хас дурну дур Аьрасатнал тархъаншиврул кьинилул савлугъран.
З. АьбдурахIманова
Халкьуннал фронтрал активистътурал, «Молодежка ОНФ» тIисса командалул гьурттучитуращал, «Лезгинка» ансамбльданул артистътуращал, медиктуращал-волонтертуращал, Конституциялул волонтертуращал, Ххувшаврил волонтертуращал ва цаймигу жяматийсса сакиншиннардал вакилтуращал архIал, Евразиянаву ца яла хъунмасса къундалул бакIун ккаллисса Сарикъумрай палцIатIи бантIиссар Аьрасатнал паччахIлугърал ттугъ. Билаятрал лишандалул чIарав МухIсин Камаловлул щаллу дантIиссар Аьрасатнал гимн.

Жулла региондалийсса ОНФ-лул сипталийсса ва акция Аьрасатнал цайми регионнайгу ва агьам­сса кьини дуллалисса яла ххуйсса ххюра акциялул сияхIрайн дагьну дур.
Сарикъум жула билаятрай ца яла машгьурсса, туристътурангу нахIу лавчIсса кIану бур.
Акция дувантIиссар, коронавирусрал азардания бурувччуну бикIансса циняв чараннугу ишла бувну.