Жижара

АхIмадил арс Жамалуттинов Загьиди

[dropcap]М[/dropcap]ай зурул 5-нний, оьрмулул 85 шинаву, дунияллия лавгунни ЧIяйннал шяравасса ххаллилсса хIакин,

АхIмадил арс Загьиди Жамалуттинов.

Увну ур Загьиди 1935-ку шинал ЧIяйннал шяраву. ЧIивину уна буттагу яла лавгун, ва ниттил цилалу хъуна увну ур. Школа къуртал бувну махъ, кумаг бансса, чIарав ацIансса цучIав акъанува, цала хIарачатрайну увххун ур Дагъус­ттаннал медициналул институтравун. Мугу ххуйсса кьиматирттай къуртал бувну, зун ивкIун ур Ккуллал азарханалий лор-хIакинну. Цаппара шиннардива ЧIяв увкIун, миккусса азарханалий зун ивкIун ур. Махъсса шиннардий Загьиди зий ивкIун ур Ваччиял азарханалий. Ва ия цала даву ххирасса ва ххуйну кIулсса, цала захIматрайну ва хъинсса тIул-тIабиаьтрайну жяматран бусрав хьусса хIакин. Агьалинал цIуллу-сагъшиву дуруччаврил ххуллий ванал бивхьусса захIматгу, пишакаршиврул даражагу хIисавравун лавсун, Загьидинан дуллуну дур лавайсса категориялул хIакиннал цIа. Мукунна «Дагъус­ттаннал лайкь хьусса хIакин» тIисса бусравсса цIа.
Кулпат Асват дунияллия лавгун махъ Загьиди Анапа шагьрулийн ивзун, тийх ялапар хъанай уссия.
Загьиди аьпалул шаврил кьур­чIишиву кIидачIлай, жижара буллай буру арсурваврахь, вайннал хъаннихь, душваврахь, куявтурахь.
Имандалий лавгун лякъиннав, рухI алжаннул ххари даннав, махънал оьрмурду лахъи баннав.

ЧIяйннал жямат


МахIаммад-ТIагьирдул арс ХIажимирзаев Давуд

Вай гьантрай жуятува батIул хьунни ХIажимирзаев Давуд МахIаммад-ТIагьирдул арс. Увну ур Давуд май зурул 15-нний 1933 шинал ГьунчIукьатIрал шяраву.


Ччяни нину-ппугу ливтIуну, дуклай ивкIссар Каспийск шагьрулул школа-интернатрай. Къуртал бувссар Ленинградрайсса дукиялул промышленностьрал институт. Зий ивкIссар Дагъусттаннал политехнический техникумраву дарсру дихьлай. Лавайсса даражалул инженер хIисаврай, Давудлуйн оьвкуссар «Роспищепромавтоматика» проектный институтраву зун.
Цала захIмат ххирашиврийну, даврийн дакI тIайлашиврийну, ларайсса кIулшивурттайну, сакиншинначинал бюхъулийну лавхъссар институтрал директорнал къуллугърайн. Давудлул каялувшиндаралу институт хьуссар Дукиялул промышленностьрал министерствалул яла хьхьичIунмур коллективну. Ххаллилсса каялувчи акъассагу, Давуд ия хъунасса патриот, цалгу республикалул цIаний хъунмасса захIмат бивхьусса. Ва ия ххаллилсса кулпатрал заллугу. Кулпатращал, Султlанат Маммаевнащал, хъуни бувссар кIия ххаллилсса арс ва душ, миннал оьрчIру-душру.
Давуд ия аьчухсса инсан, вихшаласса дус-ихтивар.
ДакIнийхтуну хъуннасса кьур­чIишиву кIидачIлай буру Давудлул кулпатращал, гъан-маччаминнащал. Махъминнал оьр­мурду лахъи баннав!

«ГьунчIукьатIрал ккуран» ДРОО-лул цIания
ХIажибутта ХIусайнов


Хъуннасса кьурчIишиву кIидачIлай,дакIнихтунусса жижара буллай буру Лакрал райондалул бакIчи Юсуп МахIаммадовлухь, ванал уссур-ссуннахь, аьзизсса

нину Ххадижат
жуятува батIул шаврийн бувну. Гьав нурданул дуцIиннав алжаннул ххари баннав, барачат махъ ливчIун лякъиннав! Буминнал оьрмурду лахъи баннав!

Лакрал театрданул коллектив


Илияслул арс Сулайманов СахIим

Май зурул 15-нний, оьрмулул 92 шинаву, аьпалухьхьун лавгунни, къинттуллухгу захIмат буллай ивкIсса, Хъунмасса Буттал кIанттул цIанийсса дяъвилул ветеран, мюхчаншиврул органнал ветеран, отставкалийсса полковник, Илияслул арс Сулайманов СахIим.

1968-ку шиная айивхьуну СахIим къуллугъ буллай ивкIун ур Дагъусттаннал ФСБ-лул органнай. Ванал ккаккан увну ур цува ляличIину жаваблувшиву дусса, марцIсса, сивсусса, цала тIутIимуний ацIайсса зузала ушиву.

ЛичIи-личIисса шиннардий ва каялувшиву дуллай ивкIун ур управлениялул личIи-личIисса подразделениярттай. Чув зий ягу къуллугъ буллай ухьурчагу, цала даву ххуйну кIулсса ва лавайсса даражалий дайсса пишакар ивкIун ур СахIим. Ванал каялувшиндаралу куртIсса кIулшивурттугу ларсун, пишалул даражагу гьаз був­ссар хIакьину паччахIлугърал мюхчаншиврул къаралданий бавцIусса чIявусса зузалтрал.

СахIим Илиясовичлул лайкьну дурурччуссар тарихрал элмурдал доктор хьун­сса диссертация. Чивчуссар билаятрал тарихраву хьусса иширттан хас бувсса луттирду ва монографияртту («ПаччахIлугърал мюхчаншиврул органну 1920-1953-ку шиннардий», «Чекистал дяъвилий», «ПаччахIлугърал мюхчаншиврул къаралданий авцIума» ва м.ц.). Органнавусса къуллугърая лавгун махъгу, ва, жагьилминнащал пишалул опыт кIибачIлай, ялун нанисса ник Ватан ххирану тарбия дуллай зий ивкIссар. Хъуннасса даву дурссар СахIимлул ветерантурал суккушинна чялиш дуккан даву мурадрайгу.

СахIим Илиясович аьпалул шаврил кьурчIишиву кIидачIлай, жижара буллай буру ванал гъан-маччанахь. Имандалий лавгун хьуннав, рухI хъинний дишиннав.
Дагъусттаннал УФСБ-лул каялувчитал, зузалт
ва Ветерантурал совет