Даврил уртакьнал хъиривсса аьпалул махъ

ПатIимат Бариева, Андриана Аьбдуллаева
ва Загьрани Аьбдуллаева

[dropcap]Л[/dropcap]авмартсса азаруннил ххяппурттаща итххяххан къавхьуну, личIи хьунни жуяту жул бакъа чара бакъасса зузала, хъинсса дус ва даврил уртакь Загьрани Аьбдуллаева. Ва кьурчIисса хаварданул микI лачIун бунну цинявппагу редакциялул зузалт.


Андриана Аьбдуллаева
КутIасса оьрмулий чIявусса бувкIунни вил бакIрачIан, Загьраний. Амма гьарицагу кьини яхIирай лархъунни ина. Ина бияв дан-дитан кIулсса, канил усттарсса, мукъуй цIу-цIампир бусса хъамитайпа. Вин кIула цаманал буруккин лаласунгу, цIуцIиний ка дишингу. Вихь бучIиссия яла вихшалама дуснахь кунма дакI кIидачIин, кIулссия вихь бувсмур тачIав чунчIав къабуккантIишиву. Вин кIулссия гьарнахь дакI данмур бусан, маслихIат бан. КIулссия цIу буну хъярч-махсара бан. Ина бияв ччимур ниттил цила хьурдай учинсса душ. ЦIуцIи шанийн дагьсса ниттиха ина дуллалисса аякьагу, цIанигу вичIан бухху-букку хьунан цинявннан асар шайва. Оьрмулуву захIматшивуртту ккаркнугу, дакъая миннул вил дакI къалп дурну, хасият кIюла дуккан дурну. Ялунгума инава бикIайвав ссавурданува уклакима паракьат уллай.
Загьраний, ина буссиявхха, жугу ялун бигьлай, вила шеърирдал жуж итабакьин хIадур хъанай. КIани-кIанттурдайх кIама бивщуну вила аьпалун назмурдугу кьариртун лавгунна .
«Илчи» кказит буклан бивкI­сса цалчинсса гьантрайва жува архIал бувкIссияв зун. Цимигу шин дурссия ца
кабинетраву щябивкIун. Ца жагъалашиву къархьу­ссия, ссурвал кунма цаннан ца бувчIлай, дакIниймур кIибачIлай бикIайссияв. ХIакьину кунма дакIний бур цимилагу чIал чIумалнин редакциялий ливчIун, транспорт дакъа кьуру кIинттул марххалттанивух нигьа-нигьагу буслай жувалу Редукторнилия шагьрулувун бахьтта най бивкIсса куц. ДакIний дур жува бувсса кьинирду кIицI дуллай бивкIсса куц. ЧIявусса затру кинорал кадрарду кунма цаннил хъирив ца хьхьичIух най бур.
ЧIун къадирна ивкIусса ца акъа акъасса аьзизсса уссу цувалу къаитан хъирив инавагу лавгунна.
Загьраний, ина ххираяв коллективраву хъунанангу, чIивинангу. Жун ина тачIав хъамакъабитанссара. Я Аллагь, вил рухI алжаннул ххари даннав, гьав нурданул дуцIиннав.