Кьимат лавайсса канихчичрурду

Дагъусттаннай машгьурсса аьлимчу, историк, энциклопедист Аьли Къаяевлул архивраву лявкъуну бур «Птоломеялул астрономия» тIисса канихчичрурдал лу.


[dropcap]В[/dropcap]анил авторгу ур дагъусттаннал аьлимчу Мияйннал Дамадан (1642-1726 шш.). Лу цуппагу грек мазрая аьрабрайн таржума бувну бур 18 аьсрулийва. Лу лявкъушивугу баян бунни Дагъусттаннал культуралул ирс ябуллалисса Агентствалул пресс-службалул.

Аьли Къаяевлул арснал арс Илияс Къаяевлул цамагу аьлимчунащал, Шамил Шихалиевлущал, шин ххишалагур Аьли Къаяевлул библиотека цифрардал низамрай бихьлай, хъинну хъирив лавну ванал архив лахьлай. Мияйннал Дамадан бусурманнал культура хъинну кIулсса энциклопедистнан ккаллийну ур, ванан астрономиялул, математикалул, геометриялул, химиялул, медициналул ва цаймигу элмурду ххуйну кIулну диркIун дур.

П. Рамазанова