ЦIуллушиврул цIанийсса ихтилат

Мартрал 16-нний Аьрасатнал ЦIуллушиву дуру­ччаврил министерствалул регионнащал дунни коронавиру­срал видеоселекторданул журалий­сса батIаву.

Дагъусттаннал чулуха муний гьуртту хьунни ДР-лул Минздраврал каялувчи Жамалуттин ХIажиибрагьимов, ТФОМС-рал (Территориальное федеральное отделение медицинского страхования) бакIчи Илияс Маммаев, ДГМУ-рал ректор Сулайман Маммаев.


[dropcap]Б[/dropcap]атIаву дачин дурну ия цIуллушиву дуруччаврил федерал министерствалул каялувчи Михаил Мурашко. Мунал бувсунни коронавирус кIул даврил, профилактикалул ва хъин даврил 3-мур журалул (версиялул) чIумуйсса методикалия. Микку хъунмур къулагъас дурну дур медициналул зузалт мюхчан баврих. БатIаврий мукунма ихтилат хьунни стационардал, амбулаториярттал хIадуршиврул хIакъираву.
Республикалул министерствалул баян бунни медициналул идарартту хIадурну бушиву коронавирусрал лишанну дусса къашайшалт кьамул буллан. Ми идарарттай дусса дур вирусрайн къаршисса дарурттал луртан. Министерствалул баян бунни душиву «горячая линиялул» телефонгу: 8(8722) 67-15-99.