[dropcap]М[/dropcap]артрал 20-нний ДР-лул Госжилинспекциялул каялувчи Аьли Жабраилов хьунаавкьунни МахIачкъалаллал ТСЖ-рдал ва ЖСК-рдал хъуниминнащал.
БатIаву даврил мурадгу бия хъуншагьрулий коронавирус ппив къахьуншиврул дансса давуртту ххал дигьинсса.
З. АьбдурахIманова
[dropcap]Ш[/dropcap]икку Госжилинспекциялул каялувчинал батIаврил гьурттучитуран дакIнийн бувтуна чIяру зивурду дусса къатрал подъездру марцI дан миннал тIайланмасса бурж бушиву ва утти, азар сававнугу, лифтирдал нузкьунтту, кнопкарду, подъездирттал нузкьунттал кIюйрду ва цаймигу агьалинал кару щайсса кIанттурду хлор дусса щинай шюшлан аьркиншиву.
Аьли Жабраиловлул кIицI бувна, Республикалул БакIчи Владимир Васильевлул мартрал 18-нний цIакь бувсса хIукмулийн бувну, коронавирус ппив къахьун дуллалисса профилактикалул давурттал ялув бацIаву кьянкьасса дикIантIишиву.
— Ттун ччай бур шагьрулул УК-рдал, ТСЖ-рдал ва ЖСК-рдал цайва бивхьусса буржру лажин кIялану биттур бувну. Азар ппив хьун къаритаву жулагу биялдаралусса ишри, — увкуна ванал.
БатIаву хьуну махъ хъиривсса итникьини МахIачкъалаллал УЖКХ-лул зузалт щиривкIуну зий байбивхьунни шагьрулул кучардай ва лахъ къатрал хIаятирттаву. Дезинфекциярду дуллай бур халкь бигьалаган щябикIайсса кIанттурдай, сквердаву ва паркирдаву.
