Хъаннил байрандалул кьини ЦIуссалакрал райондалул ГИБДД-лул зузалтрал дунни аьдатравун дагьсса «Цветы для автоледи» тIисса цIанилусса акция.
Рульданух щябивкIсса хъами барча баву бакъассагу,ванил мурадну бия ххуллурдай мюхчаншиву дуруччаврил масъалалух жяматрал къулагъас дан баву,ххуллул низамрал тIалавшиннарду дуруччин аьркиншиврия цал ххишалану бусаву. КIюрххила ГИБДД-лул зузалтрал барча бунни байрандалул кьини дежурствалий бивкIсса анаварсса кумаграл персонал. Мукунма вайннал пишкаш бунни тIутIал кацIру ЦIуссалакрал азарханалул хIакинтурангу.
Хъирив, полициялул зузалт ххуллийн бувккун, рульданух хъами бусса машинартту бацIан буллай, гай барча буллай бия. АрхIала бувчIин буллай бия ххуллурдай мудангу личIлулну бикIан аьркиншиву.Хъами махIаттал хьуну бия документругу къацIухлай, тIутIив пишкаш дуллалисса инспектортурай.
Мура кьини акциялул сакиншинначитураясса тIутIив дирунни ЦIуссалакрал шяраваллил кIичIирттавух нанисса гьарица хъамитайпалунгу.
Андриана Аьбдуллаева
