Лакрал райондалул администрациялий хьунни коронавиру­с­рал инфекция ппив хьун къаритаврил ялув зузисса анавар­сса штабрал батIаву. Райондалул бакIчи Юсуп МахIаммадовлул хIукмулийн бувну,

сакин бувсса штабравун бухлай бур райондалул бакI дургьуми, шяраваллал администрациярттал бакIчитал, идарарттал каялувчитал. Штабрал ирглийсса батIаву дачин дурну ия райондалул бакIчинал хъиривчу Абакар Къюннуев.

---

30
Райондалул азарханалул хъунама хIакин АьбдурахIин Дибировлул бувсунни коро­навирусрацIун дархIуну респуб­ликалий хIасул хьусса тагьардания, профилактикалия, вирусрал инфекция райондалий ппив хьун къаритан ляхълахъисса чаранная. КIицI лавгунни, коронавирус лахъарча, цила чIумал кумаг бан хIадурну бушиву райондалул азархана.
Абакар Къюннуевлул кIицI лавгунни багьлай бушиву нигьачIисса азар ппив хьун къаритаврихсса ялув къулагъас ххи дан, гьарца шяраву дуллалисса даврил ялув бацIан. Бувсунни, щала билаятрай кунна, райондалийгу дукьан дурну душиву гьарзасса жямат батIайсса мероприятияртту.
Инт дучIаврищал райондалул щархъаву дайсса Хъарас щаврил байраннугу, тагьар цила кIанттайн дагьаннин, махъун дичин хIукму бунни штабрал.