Ларгсса нюжмаркьини «Аьрасат – ттул тарих» тIисса Тарихрал музейрал конференц-залдануву ДР-лул ЗахIматрал ва социал лябуккулул министерствалул гьарта-гьарзасса батIаву хьунни.

Ваний гьуртту хьунни ДР-лул ХIукуматрал Председательнал хъиривчу Анатолий Карибовгу.

---

З. АьбдурахIманова
ЗахIматрал министрнал докладрал хьхьичI ккаккан дуруна шинал мутталий республикалул муниципалитетирттайсса цала отделлал зузалтрал агьалинащал дурсса давуртту чIалачIи дуллалисса видеофильм.

Ларгсса шинал республикалул чIявусса халкьуннан харжру лахъ бан бювхъуссар. Хаснува низамрайн дурцуссар зуруя зуруйн харжру ва пособияр­тту цила чIумал булаврил даву. 2018 шиналнияр 2019 шиналсса харжру дянивну лахъ хьуссар. Давуртту дакъасса 23 азара инсанная 3 азараксса инсан давур­ттал щаллу увссар. «Ххютула» уккан увну, налограл сияхIрайн лавсъссар 25 азараксса инсан, — увкуна цила ихтилатраву Зумрут МухIуттиновал.

[dropcap]М[/dropcap]инистрнал бусаврийну, «Демография» тIисса проект­рал лагрулий пенсиялийн уккан хIадур хъанахъисса 1000-ксса инсан вайннал дуклаки увссар, цIусса пишарду лахьхьин бан­сса ва кIулшивуртту дулунсса шартIру хIасул дурссар. Гьуртту хьуну бур министерство чил билаятирттая жула республикалийн цала хушрай бизан ччи­сса халкьуннан кумаг буллалисса паччахIлугърал программалувухгу.

З. МухIуттиновал кIицI лавгуна ларгмур шинал вайннал давурттал щаллу увшиву 4 азараксса мушакъатсса инсан.
Ларгмур шинал министерствалуща бювхъуну бур, 2015 шиная шинмай цалагу лахъ къабувну бивкIсса, цала зузалтран­сса харжру лахъ бан.
Гьашину цала бартбигьин дакIнийсса мурадругу кIицI лавгуна министрнал.