[dropcap]З[/dropcap]унттавусса кIидайдихьулул гьантри. Бакъар ми гьантри марххала буллалисса: «Дунияллул тIабиаьт даххана хьуну, дякъияр гъилишиву ялтту дуклай дур», — тIисса хавардугу бюхъай тIайласса бикIан.
На мудан хIайран уллан икIара жула зунттавусса тIабиаьтрал жунна бахшиш дуллалисса ххуйшивурттал. Вана вай ххуйшивуртталлихха инсан яуллалиссавагу. Цила чIумал хъунасса оьруснал чичу-философ Федор Достоевскийл куну бур: «Дуниял ххуйшиврулли ххассал дантIисса», — куну.
[dropcap]Я[/dropcap]вара, буниялагу, жула зунттал тIабиаьтрал караматшивурттал, инсаннал дакI тирх учин дурну, кIюрххил шавату увккун, га кьини бартдигьин ччисса давурттугума бакIуйн дуккан дайсса дур.
Вана уттигъанну, кIинтнил дайдихьулул ца кьини, даврийн най унува, ЦIуйшиял къурув ивсса чIумал, на хIайран увнав хьхьувай зунттавун жалинну бувкIун бивкIсса зурул. КIа, цила магьригу бувсун, аьрабнал магьравасса Шагьрузада кунма, кьини дукIлан дикIайхту, зунттахун бигьалаган най бия. КIанил чаннал буцIин бувсса зунттурдал урувгнал ярунниву ва дакIниву тIааьнсса ишара загьир хьун дуллай дия. Нагу, бувккун ттула фотоаппарат, кIа зурул симандалия дирзун нанисса нурданул сурат рирщуссия. Явара, ва магьа бакъаяча, тIабиаьтрал жунна бахшиш дурсса хъиншиву дия.
Ххуйшиву жула зунттурдал, ххуйшиву жула зунттал «жалиндалул»!
ХIажимурад ХIусайнов
