ИчIува ишла бувансса маслихIатру

МарцIшиврун, рахIатшиврун

УссацIасса тIааьн дакъасса кьанкь гьантIиссар, миннуву ца-ца чяйлул пакет биширча.

* * *
Янна шюшай машиналувух бавкьусса чару бакъа баншиврул мивун 80 гр. лимондалул кислотIалулгу дирчуну, му, янна къадирчуна, 80 градусрай­сса лахъияра.

* * *
ДикI, му-та духъан ишла дувайсса тахта ттангърацIа ва тIааьн дакъасса кьункьацIа марцI даншиврул мунийх лимондалул лиссу дуккияра, ялтту цIугу бивчуну, 20 минутIрайсса дитияра.

* * *
Пюрундалул банкалува тIааьн дакъасса кьанкь духьурча, ца чяйлул къуса горчицалулгу дирчусса гъилисса щинай шюшияра.

* * *
Микроволновка бигьану марцI буван хьунтIиссар, муниннин хьхьичI миву щинащалсса тIахIни дирхьуну, му 10 минутIрайсса лахъарча. Щаращисса щинал парданул мивусса чапалшиву кIукIлу лаган дурну, бигьану марцI буван хьунтIиссар.

* * *
ЦIусса усру кьутIлай духьурча, кьутIлатIими кIанттурдайх дуккияра антиперспирант (гьухъал кьанкь къадикIан ду­ккайсса).

Кухнилий

* * *
Ягълавлуву лагаврий зат дагъ дуллалийни, лагаву ччукъачланшиврул чансса ххяххиялулмур аьгъушивугу дутIин бучIиссар.

* * *
Иникьали хIаласса соус­ру дуллалийни къурхъру къахьунтIиссар, иникьаллувун чансса цIу бичирча.

* * *
Ппиринж кIяланува ли­чIантIиссар, ми шахьлахьи­сса щинавун ца накьлил къуса ссиркалул дутIирча.

* * *
Чимусравусса оьлушиву чан шайссар, миннул ялтту, мюрш бувну махъ, щаращисса щинал вах учирча.

* * *
Винегрет хъиннува нахIусса хьунтIиссар, агарда мивун ца накьлил къуса накIлил дутIирча ва ца чяйлул къуса хIуву-качарданулгу дичирча.

* * *
Салатраву майонезрал кIану бугьантIиссар хъинну шавхьсса ккунукрал ца хъахъу ва ца чяйлул къуса горчицалул хIала дур­сса бартлил.
* * *

Меж дикIлай дайдирхьусса накьлил уртту цIулагантIиссар, ссирка хIала дурсса щинаву чансса хIаллайсса дитарча.

* * *
Дагъ буллалисса балугъ ягълавлуцIун къалачIуншиврул, балугърайх цийхрагу дуккияра аьгъушиву.

* * *
Шавхьсса ккунук бигьану леххан хьунтIиссар, му шахьлахьисса щинавун чансса сода бичирча.

ХIадур бувссар
Бадрижамал Аьлиевал

Читайте также: