Декабрьданул 3-нний ДР-лул БакIчи Владимир Васильев лаивзунни дагъусттанлувтурайн, Дунияллул халкьуннал дянивсса инвалидтурал кьинилуцIун бавхIуну.
Гьарца шинах декабрьданул 3-нний кIицI дайссар Дунияллул халкьуннал дянивсса инвалидтурал кьини. Мунил жямат кIункIу буллалиссар хъунив хьусса инсантурах аякьа, ляличIисса къулагъас даврийн.
Инвалиднал оьрмулул шартIру ххуй-хъин даву, цинявннащалсса бюхъурду хьун баву – му жяматрайсса буржри.
Республикалий мушакъатсса тамансса инсантал бур ссаха-бунугу зий, хьхьичIуннайшивуртту хьун дуллай. Гьашину жула 11 паралимпий спортсменная хьунни Дунияллул ва Европанал чемпионтал. «Абилимпикс» тIисса пишакартурал усттаршиврул национал чемпионатрай (Москавлив хьуссар ноябрьданий) Саида ХIажиевал 1-мур кIану бувгьуссар «Переводчик» (таржумачи) тIисса темалий. Дагъусттаннал командалул тикку ларсъссар 5 медаль, СКФО-рал региондалий бувгьуссар 1-мур кIану.
Дагъусттанлувтуран тачIав хъамакъабивтссар кумаграх мюхтажсса инсантал, бала ялун бивминнал чIарахгу къабувкссар – му жула халкьуннал ляличIисса хасиятри. Хъунмасса барчаллагь, инвалидтурах къулагъас дуллай, миннал масъаларттах къайгъу буллалиминнан.
ДакIнихтуну чIа тIий ура зунгу, зул чIаравминнангу, зун ххираминнангу цIакьсса цIуллушиву, талихI-тирхханну, узданшиву», — тIий бур барча баврий.
ХIадур бувссар
ХI. Аьдиловлул
