[dropcap]К[/dropcap]аспийскалий Аьрасатнал Халкьуннал аслийсса культуралул центрданий хьунни «РахIму бакъасса хIакьикьат» («Жестокая правда») тIисса цIанилусса батIаву,

цувгу хас дурсса чIава жагьилтурал дянив наркоманиялул профилактика даврин

---

[dropcap]В[/dropcap]а кьини Центрданийн бувкIун бия Энергетикалул колледжрал студентътал ва шагьрулул 1-мур школалул дуклаки оьрчIру. Жагьилтуращал хьунабакьин бувкIун бия «Трезвая Россия» цIанилусса Федерал проектрал Дагъусттан Республикалийсса координатор Шамил Аьлиев ва ДР-лул Муфтиятрал просвещениялул отделданул Каспийскалийсса каялувчи Динислам КазимахIаммадов.

БавтIминнал хьхьичI махъ лахълай, Центрданул директор Башикар Гадаевал кIицI лавгуна хъуннасса агьамшиву душиву цIуллу-цIакьсса кьаралданийсса оьрму бачин баврил ва пикри къабувну лавсъсса шаттирайну цалла цIуллу-сагъшивугу, оьрмугу бакъа чулийнмай кIура баен буван хъуннасса нигьачIаву душиву.

Наркомания тIисса балаллул биян буллалисса хъуни-хъунисса зараллая, мунил нигьачIаврия бурувччуну бикIавриясса биялсса ихтилатру хьуна ва кьини.
Ахирданий ккаккан дурна «Наркотикру бакъасса оьрму», «РахIму бакъасса хIакьикьат» тIисса ва вара журалийсса цаймигу роликру.