Вил чувшиврийн на вихра,
МарцIшиврийн мукIруруссара,
Куклусса тIуллал заллу
Ина акъасса кIулли.

Виричунал бакIрачIан
Ччимур бучIан бюхъайссар,
ЗахIматшиву духIангу
Ччиманаща къашайссар.

Вияту зарал бивсса
ЦучIав бакIрайн къаагьссар.
Ина куклу ансса махъ
ЩиятучIав къабавссар.

Ина хайр бунни тIисса
Хъинну чIявусса ккавкссар.
Виха зукьлакьи ниттих
ВичIилий чIун гьан дурссар.

Ппухълу хьунабавкьуссар
Ттун бакIру кIяла хьусса,
Кумаг аьркинний ина
ЧIарав авцIуссар тIисса.

Дагъусттаннайх цIа ларгсса,
Миллатрал пахру бансса
Чанна цIукура ина,
Инсаншиврий пар тIисса.

Вай ххару вила бакъар
Куну ина къачирчан,
Ссивир анну цIанава
Ттухьва щилчIав учирча,

Ххару ттулва бушиврий
Къулбас данна цIунилгу,
Дусгу яла хьхьичIунма
Инар куну учинна.

Д. Магьдиев