https://www.facebook.com/ilchi.info/videos/2388243231443846/?t=15
Жагьилтурал иширтталсса байсса министерствалул ва Ухссавнил Ккавкказуллал Исламрал иширтталсса байсса центрданул экстремизмалущалсса ва терроризмалущалсса талатаврил аьмсса даврил программалийн бувну, соцсетирдай ккаккан дурунни лакку мазрайсса видеоматериал.
Мунил хIакъираву бувсунни ЦИИСК-рал директор Руслан Гереевлул. Ванал тIимунийну, ттисса жагьилтал чIявуну тIайла бацIлай бур экстремизмалул иширттайн. Мунияту му аралун хас дурсса материаллу дикIан аьркинссар кутIану ва пасихIну хIадур дурсса. ЧIявуну ишла буллан аьркинссар жагьилтурал дурсса ва дуллалисса виричушиврул мисаллу. ДакIнийн бувтунни ФСБ-лул капитан Артур Бабаевлул, теракт хьун къаританшиврул, жан дуллуну диркIсса куц. Аьрасатнал Президентнал хIукмулийн бувну, 2009 шинал ганан дуллуну диркIссар Чувшиврул орден. Гьашину «Алип» тIисса басмаханалий итабавкьунни ганал оьрмулун хас бувсса жужгу.
