[dropcap]В[/dropcap]ай гьантрай ЦIуссалакрал райондалийн бувкIунни Пермский крайраясса бусравсса делегация. Хъунисса хъамаллуравух ЦIуссалакрал райондалийн бувкIун бия Пермский крайрал губернатор Максим Решетников,

СКФО-лийсса АьФ-лул ГУ МВД-лул хъунаманал хъиривчу, полициялул генерал-майор Владимир Домашев, Пермский крайрайсса Аьрасатнал ГУ МВД-лул хъунама, полициялул генерал-майор Михаил Давыдов, СКФО-лийсса Аьрасатнал ГУ МВД-лул силистталул частьрал хъунаманал хъиривчу, юстициялул полковник Александр Вохмянин, Аьрасатнал Виричу, Пермский крайрал законну кьамул даврил мажлисрал депутат Сергей Яшкин, ДР-лул ХIукуматрал Председательнал хъиривчу Рамазан Жяъпаров, ДР-лул МВД-лул Управлениялул отделданул хъунама, виваллил службалул полковник Сахават Сахаватов ва м. ц.

---

ЦIуссалакрал райондалул аьрщарай бусравсса хъамал хьунабавкьунни райондалул бакIчи ХIажи Айдиевлул, ДР-лул Халкьуннал Мажлисрал депутат Амирхан Амирхановлул, Райондалул бакIчинал хъиривчутал ХIажи ХIажиевлул ва Султан ХIамзатовлул, прокурор Светозар Оьмаровлул, ЦIуссалакрал райондалул ОМВД-лул хъунама Шакир Нахаевлул ва цаймигу къуллугъчитурал.

Хъамаллурал цалчинма-цалчин ххал бивгьунни Чапаевкаллал шяравунмайсса ххуллий­сса Пермский крайраясса 50-хъул аьралитурал къуллугъ буллали­сса КПП-103. Шиккусса отрядрал хъунама ур подполковник Алексей Дудорев. Пермский крайрал губернатор Максим Решетниковлул КПП-лул отрядрал аьралитурахь, полициялул зузалтрал кьинигу барча дурну, отрядрал хъунаманахьхьун дуллунни «Къуллугърал бурж лавайсса ккаккиярттай биттур баврихлу» тIисса сертификат.

Мукунма пострай­сса аьралитуран барчаллагьрал ча­гъарду ва хIурматрал грамотар­тту дуллунни Пермский крайрал властьрал органнал чулухагу.
Республикалул ХIукуматрал чулуха Пермский крайраясса аьралитал барча бунни Рамазан Жяъпаровлул. Барча бавурттая махъ делегациялущал архIал тIутIив дирхьунни ЦIу­ссалакрал шяравусса аьралитурал гьайкалдануцI.
Хъирив Пермский крайраясса делегациялул пострай къуллугъ буллалисса аьралитуран, хъамаллуран ва цинявппагу гьуртту хьун бувкIминнан ккаккан дунни авадансса концертрал программа.

[dropcap]М[/dropcap]укуннасса тяхъасса концерт ккаккан дунни «Эдельвейс» хореографиялул ансамбль хIаласса ЦIуссалакрал райондалул творчествалул коллективиртталгу.
Ахирданий Пермский крайрал губернаторнал барчаллагьрал чагъарду буллунни ЦIуссалакрал райондалул бакIчи ХIажи Айдиевлун ва полициялул майор Шакир Нахаевлун.
ХIажи Айдиевлул барчаллагь увкунни цала аьрщарайн бувкIминнахь ва кIицI лавгунни вания тихунмайгу дусшиврий­сса хъамал хьунабакьин мудангу хIадурну бушиву.