[dropcap]В[/dropcap]ай гьантрай МахIачкъалалив Къумукьнал театрдануву хьунни «Очаг мой – родной Дагестан» тIисса цIанилусса Республикалул смотр-конкурсрал финал.
Муниннин кIантту-кIанттурдай хьусса ятIапIирттай ххув хьуну, вай кIивагу гьантлий финалданий гьуртту хьунни 400-нния ливчусса гьурттучитал.
Бадрижамал Аьлиева
Конкурсрал жюрилуву бия республикалий ва мунил кьатIув цIа ларгсса искусствалул ва культуралул ишккаккулт.
Бяст-ччал най бия личIи-личIисса номинациярттай. «Фольклорданул къавтIаву» номинациялий цалчинсса кIану бувгьунни жула лакку душ, Аьрасатнал Федерациялул аьмсса кIулшиву дулаврил бусравсса зузала, ДР-лул кIулшиву дулаврил отличник РахIима Сулаймановал ва ванил лас Артур Хайбуллаевлул каялувшиндаралусса къавтIаврил оьрчIал ва чIава жагьилтурал «Ссалам» тIисса ансамбльданул.
Конкурсрай ххув хьусса цинявппагу коллективру ва таксса гьурттучитал лайкь хьунни ДР-лул КIулшиву дулаврил ва элмулул министерствалул чулухасса дипломирттан ва бахшиширттан.
