Дагъусттаннал базаллавусса инсаннан яла аьркинсса дукиялул ца чIапа бацIантIий бусса бур дянивну 3 азаллий 969 къурушран.
Госстатистикалул дурсса хъиривлаявурттайн бувну, шин дайдирхьуния шинмай ва чIапувун духхаймунил багьа 1% лахъ хьуну бур. ХIисав бувну, СКФО-райсса базаллавусса багьрал ххирашиврул сияхIрай жуламур республика кIилчинмур кIанай дусса дур. Ва сияхIрал бакIрайгу Чачаннал республика дур, ахирданий тIурча –Ухссавнил АьсатIинналсса.
Ца инсаннал зурул мутталий ишла дансса дукиялул чIапувун дагьайссар ччатIул ва крупардал 15 кг, ахъулссаннул ва пряник-печениярттал ца-цанния ца-ца 1,5 кг, дикIул 3 кг, балугърал 1,2 кг ва накI-нисирал 18 кг.
З.АьбдурахIманова
