[dropcap]О[/dropcap]ктябрь зурул мяйнний, ЧIяйннал школалий, «150 школа», — тIисса программалий бакьин бувсса, байбихьулул классирттал школалул къатри тIитIлатIисса тяхъашиву дия.
Тяхъашиву тIиртIуна Аьрасатнал ва Дагъусттаннал гимру щаллу даврийну. Ва тяхъашиврувух гьуртту хъанай бия: ЧIяйннал школалул директор ХIаммакуева Альбина, школалул учительтал, Ккуллал райондалул бакIчи Рамазанов Шамил,ванал хъиривми Давдиев Анатолий, ХIусманов Ажуб, райондалул кIулшиву дулаврил управлениялул каялувчи ТIилиев Камил,ЧIяйннал шяраваллил хъуначу Айдаев МахIаммад, Дагъусттаннал Архстройнадзорданул каялувчи, чIяйричу Ибрагьимов Ибрагьин, «Кая», — тIисса фондрал каялувчи Ибрагьимов Арсен, ЧIяйннал шяраваллил бакIчи МахIаммадов Ися, шяраваллил культуралул къатлул каялувчи Алхасова СалихIат, райондалул культуралул зузалт Кьурбанов ХIабибуллагь, Аьлибеков Кьурбан ва цаймигу шяраваллил жямат.
Вайннал барча бувуна учительтал учительтурал кьинилущал. Барчаллагърай бия жяматрайнгу цалва чулуха бувсса кумаграйн. ХIукуматрал чулуха арцу ита дакьиншиврул 300 азарда къуруш жяматрал чулухагу датIин багьлай буссия. Бюххансса мукъурттийсса ихтилат бувуна МахIаммад Айдаевлул, дакIнийн дирчуна цува школалий дуклай ивкIсса шинну.
ОьрчIал щаллу бувуна школалун, учительтуран хас бувсса балайрду, дурккуна дикломацияртту, ккаккан дуруна къавтIавуртту.
Яла школалул директор Альбина ХIаммакуевал, райондалул бакIчи, Шамил Рамазановлул, «Кая» фондрал каялувчи Арсен Ибрагьимовлул кьувкьуна лента. Школа ххал бан бувххуна тяхъашиврий гьуртту хьун бувкIми. Хъинну ххуйну бакьин бувну бия школалул классру. Гания гихунмай хъамал лавгуна хъунмур школалийн тикку дурсса давуртту ххал дуван. Циняв рязину ливчIуна школалул сий ххуй шаврияту.
Ссупралухгу хьуна ихтилатру ва барча бавуртту.
