Ополчентуран медаллу дуллунни

[dropcap]В[/dropcap]а шинал август зуруй Дагъусттан Республикалул БакIчи Владимир Васильевлул буккан бунни Указ «20 лет разгрома международных бандформирований» тIисса юбилейрал медаллу ду­ккан дансса.

Медаллу дулун ккаккан бувну бур 1999 шинал август-сентябрь зурдардий республикалул цаппара районнайн оьсса кьини дурксса чIумал цала хушрай къачагътурайн данди бацIансса кьюкьри сакин дурсса инсантуран. Медаллу дулун лайкь хьу­сса усса ур 20 азара инсан.

Ополчентуран медаллу дуллалисса шадлугъ хьунни Лакрал райондалийгу. ДакIнийн бутанну, республикалийн къачагътурал кьюкьри ххярхсса ппурттуву МахIаммад Хъунбуттаевлул каялувшиндаралу Лакрал райондалул чиваркIунналгу сакин дур­ссар ополчентурал кьюкьа.

Республикалийн оьсса кьини дурксса чIумал ватандалухлу жан ххира къадан бувксса чиваркIуннахь барчаллагь тIий, Юсуп МахIаммадовлул кIицI лавгунни билаятрал цашиву дуруччиншиврул тай гьантрай ккаккан дан багьлай бивкIсса хасият дагъусттанлувтурал кка­ккан дуршиву.