Шяраваллу щинал дузал дуван

Экскваторщик
Шамил Шамхалов

[dropcap]Ч[/dropcap]чянива СССР дусса чIумал, луттирдай, кказитирттай хIукуматрал цила хьхьичI бивхьусса масъаларттаву кIицI бувну бикIайва: «Шяраву ва шагьрулий яхъанахъисса инсантурал оьрму бутаву кунничIан ку гъансса дикIан аьркин­ссар», — тIисса махъру.


Бунияла ми гъаншавурттуну кIул хъанан дикIай тIювалувусса хIаллихшиннардайну. Ша­ппа чани бикIаву, щин дикIаву, ххуллурду асфальт бавкьусса бикIаву ва вайннуха лавхьхьу­сса цаймигу затру.Зунттаву вай кIицI бувсса ишру дузал бан бигьану къабикIай. Амма чанкьанну тIий хIасул дуллай бур хIаллихшивуртту.

Вана утти­гъанну на яхъанахъисса Вихьуллал шяраваллил бакIчи Сулайманов СайкIул махIлардайнна, къатрачIанна щин дурцунни. Ттулмур хIаятрайнгу дуркIунни щин. Ва иширайну шяраваллу гъан хъанахъиссар шагьрулучIан. Утти ливчIунни ххуллурдайх асфальт бакьин ва газ буцин.

Ваччав щин дуцлацисса
бургъурду

Райондалул цIусса бакIчи Рамазанов Шамил ивтун махъ щаллу буллан бивкIунни цаппара цаймигу шяраваллу щинал щаллу даврил масъала . Щунузун­ттуя дуцлай бур Къяннал ва Ва­ччиял шяравун щин. Хъунмасса захIмат бишин багьлай бур вай давуртту дуван.