Дагъусттаннал Росгвардиялул управлениялий хьунни ОМОН-лул кьинилун хас дурсса шадлугърал мероприятияртту.
МахIачкъалаллал ва Каспийскаллал ОМОН-лул базардай Росгвардиялул зузалтрал тIутIив дирхьунни къуллугърал бурж биттур буллай жанну дуллуминнал гьайкалдануцI. Дагъусттаннал Росгвардиялул управлениялул каялувчитурал цIания ОМОН-лул зузалт барча бунни управлениялул хъунаманал хъиривчу, полковник Натик Балабековлул.
А. Аьбдуллаева
— Республикалул агьалинал паракьатшиву дуручлай, зу гьарица кьини оьрмулун нигьачIисса шартIирдай зий буру. Зул къуллугърал сий хъуннасса дур, зул къучагъшиврия бусаларду бур. ЧIа тIий ура зун бигьа бакъасса къуллугърай тIайлабацIу, ссавур, цIуллушиву, — увкунни ванал.
Хъирив, аьдатравун багьсса куццуй, Каспийскаллал ОМОН-лул зузалтрал тIутIив дирхьунни аьпалул хьусса Ярославуллал ОМОН-лул зузалтрансса гьайкалдануцI. Дунни минутIрайсса пахъ багьаву.
