Азар цила чIумал кIул даву ва жяматрал диспансеризация дан кумаг баву мурадрай, уттигъанну ДР-лул ЦIуллу-сагъшиву дуруччаврил министерствалул тIайла
бувккунни Ккуллал райондалийн, Министерствалул эксперт Рита Мурачуева бакIчисса, хIакинтурал бригада. Райондалул шяраваллал агьали кьамул буллай бия мукьва модуль: къюкIлил ва туннурдал азарду кIул дансса, мюрщи оьрчIал ва арантурал цIуллу-сагъшиву ххал дансса ва диспансеризация дансса.
Укун зунттал районнайн хIакинтурал бригадартту гьан баву аьдатравун дуртун дур республикалул ЦIуллу-сагъшиву дуруччаврил министерствалул. Заназисса медициналул модуллая хъуннасса къулайшиву, бигьашиву дур архсса зунттал щархъаву ялапар хъанахъисса агьалинан. Ккуллал райондалул жямат барчаллагьрай бур цинявппагу райондалийн бувкIсса пишакартурайн.
