Райондалул библиотекалий

[dropcap]С[/dropcap]ентябрь зурул 18-нний райондалул библиотекалий хьунни «ДакIний буру, якьаману буру, пахрулий буру» тIисса цIанилусса, Дагъусттаннайн ххявхсса террористал бух бувну 20 шин бартлагаврин хас дурсса батIаву.

Шикку гьуртту хъанай бия Ваччиял 9-мур классрал дук­лаки оьрчIру, библиотекалул зузалт. ОьрчIал бувсуна цукун­сса чувшиву дурну диркIссарив полициялул зузалтрал, аьралий гужирдал ва ополчентурал, кутIасса мутталий террористал ххит буваншиврул.
Махъру лавхъуна райондалул библиотекарттал каялувчи ПатIимат ХIажиаьлиевал ва гай иширттавух ЦIумадиял райондалий гьуртту хьусса Шамхал Хизриевлул

ЧIяйннал школалий

ЧIяйннал школалувун бухлай бур шяраваллил оьрчIал багъгу. Мунияту школалий, оьрчIал багъраву сентябрь зурул 13-нний хьунни Дагъусттан террористураща мурахас бувну 20 шин бартлагаврин хас дурсса батIаву. Микку гьуртту хъанай бия дуклаки оьрчIру, учительтал, нитти-буттахъул. ОьрчIал багъравун бувкIун бия чIярусса шиннардий ЧIяйннал культуралул къатлул каялувчину бивкIсса СутIаева ПатIимат ва ванил лас Ибрагьимхалил. Вайннал ччаннай бацIан бувссар 8 цала ва 19 оьрчIал оьрчI.

2-мур ЦIувкIуллал школалий

Шикку 6-11-ми классирттаву дурунни классрал ссятру, цивгу хас дурну дия Дагъусттаннал халкьуннал цашиврун. Байбихьулул классирттавугу хьунни «Дагъусттан – му ттул Ватанни» тIисса цIанилусса класс­рал ссятру.

Вихьуллал школалий

Шикку сентябрь зурул 10-14-сса кьинирдай хьунни Да­гъусттаннал халкьуннал цашиврул кьинилун хас дурсса личIи-личIисса мероприятияртту. Хьунни классрал ссятру. Дия мукунна хIасул дурну суратирттал выставкагу, «Ттул аьрщи, Да­гъусттан» тIисса цIанилу. Чирчунни оьрчIал сочинениярттугу.

Хъювхъиял школалий

Шиккугу хьунни Дагъусттан террористурая мурахас бувсса таварихран хас дурсса батIаву. Дуклаки оьрчIру бакъасса, ши­кку гьуртту хъанай бия оьрчIал нину-ппу ва ополченталгу.

Хъусращиял школалий

Шикку хьунни школ оьрчIру линейкалий бавцIусса, Дагъус­ттаннал халкьуннал цашиврул кьинилун хас дурсса батIаву. Байбихьулул классирттаву ва лавайминнувугу хьунни ва кьинилун хас дурсса классрал ссятру.