Кьимат бивщунни даврин

ЦIуминалийсса ЦIуссалакрал райондалий дурну къуртал хьунни канализациялул объектирттал строительствалул давуртту.

Имара Саидова
ДР-лул ХIукуматрал Председательнал хъиривчу Владимир Лемешкол ва ЦIуссалакрал райондалул агьали бизан баврил ва Аухуллал район цIу дуккан даврил масъалартталсса буллалисса ДР-лул ПаччахIлугърал Управлениялул хъунама МахIаммадаьли МахIаммадаьлиевлул ххал диргьунни Аьхъардал, Шушиннал, ЦIуссачIурттащиял, ДучIиннал, Гьамиящиял шяраваллавусса канализациялул объектирттал строительствардал давуртту.

[dropcap]В[/dropcap]айннащал канализациялул строительствалул давурттал тагьар ххал дигьин бувкIун бия «Новострой» дирекциялул ва ООО «Стройхолдинг», ООО «Биг-Сервис» идарарттал вакилталгу.
Объектру ххал дигьин бувкIминнал маслихIат ккавккунни канализациялул насосру дирхьусса станцияртту мюхчан баву мурадрайсса давуртту дан. Шиккува сукку бунни цIуминалийсса ЦIуссалакрал агьалинал канализациялул объектру ишла дуллалийни субсидияртту булаврил хIакъиравусса ихтилатругу.

ХIакьинусса кьини ЦIуссалакрал райондалий дурну къуртал хьуну дур канализациялул объектру, бувну бур 19 канализациялул насосный станцияртту ва дирхьуну дур 59 км. канализациялул сетирдал.

[dropcap]В[/dropcap]ладимир Лемешкол лавайсса кьимат бивщунни канализациялул объектирттал строительствалул даврин ва барчаллагь увкунни шикку зий бивкIсса подрядрал идарарттал зузалтрахь.
Вара кьини Владимир Лемешкол ххал диргьунни цIуминалийсса «Радуга» тIисса оьрчIал багърал давугу.