[dropcap]Ж[/dropcap]уна хъинну ххирасса бу­тта, бусравсса, хIурмат лавай­сса дус, Куматусса Абакардул арс Ххираманов Гьарун дакIнийхтуну барча уллай буру уттигъанну кIицI ларгсса оьр­мулул 80 шинал юбилейращал.

Гьарун мяйжаннугусса захIматчири, чIярусса шиннардий зий уссия «Запкасп­рыбводрал» управлениялул хъунаману, гания мукьахгу уссия Промышленностьрал министерствалий ва цаймигу кIанттурдай. Пенсиялийн увккун махъгу уссия Госдумалул депутатнал кумагчину. Лайкь хьуссар чIярусса паччахIлугърал чулухасса бахшиширттан. «Заслуженный работник рыбного хозяйства Ро­ссии», «ЗахIматрал ветеран» ва цаймигу бусравсса цIардан.

ЧIа тIий буру вин уттигу чIярусса шиннардийсса цIуллушиву. Я Аллагь, ина, вила оьрчIал, миннал оьрчIал хъин итлай, оьрмулул уччиннин итаннав.
Вин хъиншивуртту чIа тIий, виха дуаьлийсса
вил кулпат, оьрчIру,
дустал, гьалмахтал
Жунна ххирасса нину, бава, Шахьуйннал шярава­сса МахIаммадова Зулайхат МихIаммалул душ барча буллай буру оьрмулул 80 шинал юбилейращал.

Ххирасса нинуй, бавай, кьамул бува жул чулухасса яла гъилими, яла чаннами барча баврил махъру.
ОьрчIшиву дяъвилул шиннардийн тIайла дарцIусса, аьрай ятIа-тIар бакъа акъа хьусса буттал лажиндарагу къаккарксса вин къабигьа­сса оьрму нясив бувссар. Амма ина зунттал хъамитайпалун лайкьну бувхIуссар бакIрачIан бувкIмур. Ина вила уттинин­сса оьрму бувтссар ас-намус буну, жун, оьрчIан, вила бусса гужгу, чIунгу щаллуну дуллай, вила хъачIунттайн дагьлагьи­сса захIматшивурттал кIушивугу дурхIуну, ялун дирсса оьсса кьинирдугу яхI буну лархъун. ИчIаллилсса баву дакъасса, ина чIярусса шиннардий лажин кIялану, каялувшиндарал чулуха аьй къадучIанну, машлул аралуву личIи-личIисса къуллугъирттайгу зий бивкIунна.

Битаннав ина жул дянив чIярусса шиннардий, дучIаннав вил ялун вила дакIнийсса хъунмасса буруккин бувксса ххарисса кьини, нясив даннав вин винма ххираминнал дянив 100 шинал юбилей хьунадакьлакьисса кьинигу.
Ина ххирасса вил оьрчIру, оьрчIал оьрчIру, правнук, куявтал, арснал щар