Дагъусттаннал республикалун буллунни кIантту-кIанттурдайн буцин бюхъайсса 5, 2 миллион арцунсса Культуралул центр.
Дагъусттаннал Культуралул министерствалул пресс-службалул баян бунни чIяву функцияртту бусса автоклуб ЦIуссалакрал райондалул Культуралул центрданул зузалтран буллушиву.
Имара Саидова
Миллатирттал «Культура» тIисса проектрайн бувну, утти райцентрданул артистътураща бюхъан тIий бур, концертру ва цаймигу шадлугърал мероприятиярду дуллай, республикалул районнайх ва щархъавух занан.
Шинал ахирданийнин кинорду ккаккан дан бюхъайсса, сахIналул оборудованияртту дусса вай центрдал щаллу дан най дур Къизлардал, Къаяккантуллал, Къизилюртуллал, Нугъайнал, Тарумовкаллал ва Лаващиял районнугу. Ва проект иширайну дузрайн дуккан даврин итадаркьуну дур 34 миллион ва 715 азарда къуруш. «Культура» миллатирттал проект иширайну зузи дурну дур 2024 шинайннинсса миллатирттал ва стратегиялул масъалартту хьхьичIунмай баврил хIакъираву Президентнал бувсса хIукмулийн бувну.
Миллатирттал проект сакин хьуну дур «Культуралул тагьар», «Творчествалул инсантал» ва «Цифровая культура» тIисса бутIрая. 2019-2024 шиннардий проект дузрайн дуккан даву мурадрай бюджетрава аьмну итадаркьуну дур 113,5 миллиард арцул.
