[dropcap]О[/dropcap]ктябрьданул 1-6-нний Анапа шагьрулий хьусса боевой искусстварттал Аьрасатнал бяст-ччаллаву Дагъусттаннал спортсментурал дурххунни 11 медаль.
Бяст-ччаллу хьуссар Аьрасатнал дуклаки оьрчIал спартакиадалул лагрулий.
Всестил каратэлул турнирданий цалчинмур кIану бувгьунни Загьир Аьвдуссаламовлул (64 кило), кIилчинмур – Жамал Илиясовлул (57 кило).
Сандистътурал бяст-ччаллаву мусил медаллу ларсунни Зиябуттин Казакбиевлул (60 кило), МахIаммад Оьмаровлул (65 кило), Руслан ЯхIияевлул (45 кило), Шамил Шагьовлул (67 кило).
Арцул медаллан лайкь хьунни МахIаммадхан Ибрагьимов (60 кило), Кьади ХIажиев (57 кило), МахIаммадкамил МахIаммадбаширов (51 кило), Самед Вагьабов (63,5 кило).
Чарвитул медаль ларсунни Зиябуттин Ханмурзаевлул.
ХIадур дурссар
ХI. Аьдиловлул
