Федерал Росстатрал ларгсса 2019 шинал мутталийсса регионнайсса харжру цук-цуксса буссарив мяйжан буллалисса даврил хIасиллу дурну дур.
Миннул чIалачIи бувну бур Аьрасатнаву ца яла лагьми харжру бушиву Ухссавнил Ккавкказнаву, миккугу Дагъусттан махъсса ххуттай бушиву. Масалдаран, Чачаннаву дянивсса харж бур 23080 къуруш, Ингушнаву – 23309 къуруш, Ккабардин-Балкьарнал республикалий – 23764, Дагъусттаннай – 23 101 къуруш. Аьмну щалвагу Аьрасатнаву дянивсса харж бусса бур 46 210 къуруш. Централ федерал округрайсса харж бур 58 800 къуруш.
