ХхюцIалла шинал ххуллу-ххуттай

Карашрал къутандалийсса дянивмур даражалул школа-интернатрал цалчинсса выпуск хьуния шиннай гьашину бартларгунни 50 шин.

Му выпускрал оьрчIру ва душру июль зурул 20-нний хъуннасса шадлугърай хьунабавкьунни МахIачкъалалив, бунни му таварихран хас бувсса бусрав­сса мажлис.

Гьай-гьай, 50 шинал мутталу­цIун бавхIуну дакIнийн бутанмургу, бусан-учинмургу чан­сса бакъая. Пашманшиврул ва аьсив­шиврул ххуттай дакIнийн бивчуна чIун дуну-дакъа аьпалухьхьун лавгмигу – цала дяниватумигу, учительталгу.
Хьуна дакIний личIансса гьарца чулуха бювхъусса, тя­хъасса мажлис.
Жул корр.