Дагъусттаннай махъсса ппурттуву хъуннасса аякьалийн лавсун бур районнайсса ва республикалул шагьрурдайсса медициналул масъалартту.
Масалдаран, Избербаш шагьрулул азарханалий байбивхьуну бур, уттизаманнул цIусса методру ишла дурну, агьали хъин буллай. Ва азарханалул хирургтал бур сситтучIикIлий лапароскопиялул операцияртту буллай. ХьхьичIва Избербаш шагьрулул агьалинан укунсса операцияртту буван гьан багьлай бивкIссар МахIачкъалаливсса ва цаймигу шагьрурдайсса медициналул идарарттайн.
Лапароскопиялул хирургия – му дур чурххан бюхъавай чансса зарал биянсса куццуй операцияртту буллалисса жура. Вай операцияртту бувсса инсантал ччяни бази лагайссар, хIатта дарурттугума чанну ишла бувну.
Операция буллалийни, хасъсса камералувух бурувгун, ххал дан бюхъайссар инсаннал организмалул тагьар. ХIакьинусса кьини лапароскопиялул операцияртту щалагу дунияллий машгьурну ва тIалавну буссар.
Статистикалийн бувну, гьарца мукьилчинсса инсан ур сситтучIикIлил азарду дусса. Агана, сситтучIикIливу чартту хIасул хьуну бухьурчан, лахъи лаган къабуллай, чIун-чIумуй хъирив бивзун, хъин хьун аьркинссар.
