[dropcap]В[/dropcap]ай гьантрай Франциянаву хьунни Дагъусттаннал творчествалул кьинирду хIисаврайсса байран. Вайннул лагрулий Порт- сюр-Соншагьрулий «Эхо гор» ансамбльданул ккаккан бунни Маркизалул жазиралиясса фольклорданул коллективрансса мастер- класс.
П.Рамазанова
Франциянал коллективрал «лезгинкалий» къавтIун бизан лахьхьинсса хIарачат бунни, хъинну гъирарай лахьлайгу бивкIунни. Фестивальданий франциянал ва дагъусттаннал жагьилтурал цачIусса къавтIавуртту агьалинал гурну хъатру рищлай кьамул дунни. ЛичIи- личIисса культурарду ва аьдатру дусса континентирттал агьлу гъангу, дусгу бунни дагъусттан «лезгинкалул».
Фестивальданул Президент Патрик Лекюрдул дагъусттаннал ансамбльданухь барчаллагь увкунни, фестивальданул директор Жан-Паскаль Мариоллив кIицI лавгунни концертрай тамашачитал хьхьичIва –хьхьичI бавцIунува хъатру ришлай бивкIшиву «лезгинкалул» къавтIалтрансса хIурматран. Халкьуннал культуралул маз цинявннан аьмссар ва гьарминнан бувчIайсса мазри. Франциянал гьарцагу шагьрулий «Эхо гор» ансамбльданул къавтIалт хIурматрай кьамулгу бунни, лахъа- хъунгу бунни.
