[dropcap]И[/dropcap]юньдалул 22-нний ДР-лул шяраваллил хозяйствалул ва бакIлахъиялул министрнал 1-ма хъиривчу Аьдилхан Ганакаевлул дунни Дагъусттанналва Ставрополлал улклул дазуй хъуцIурдийн къаршисса давурттан хасъсса батIаву.
[dropcap]Н[/dropcap]угъайнал райондалул Къарагъасуннал шяраваллил аьрщарай хьусса батIаврий гьуртту хьунни Ставрополлал улклул Россельхозцентрданул филиалданул каялувчи Вячеслав Дридигер, Нугъайнал райондалул администрациялул вакилтал ва мукунма Ставрополлал Нефтекумскаллал райондалул администрациялул вакилтал.
Хьунабакьаврий ххал диргьунни кIирагу субъектрай зиянчитурайн къаршину дурсса давуртту ва гихуннайгу дан аьркинмунил план.
Миккува кIицI бунни гьашину зиянчитурал Дагъусттаннал хъуруннайн зарал биян къабивтшиву. «Гьашину я Нугъайнал райондалийсса лухччал, ягу аривсса кIинтнил даэрдал аьрщарал ва цаймигу хъу-лухччал царагу гектарданийн зарал биян къабивтссар», — увкунни Аьдилхан Ганакаевлул.
