Гьар шинах хасъсса къуллугъирттал «Хьхьирийн бучIан къабучIиссар, къадагъа дирхьуну дуссар» тIисса баян бавуртту дарчагу,МахIачкъалаллал пляжирттай ччан бацIансса кIану бакъар. Жула шагьрулул агьулданун ва хъамаллуран ххира хьусса «Березка» пляжрайн, мисалдаран, гьантлун 5 азара инсан учIайсса ур.
Шагьрулул Кировский райондалийн багьайсса хьхьирицIсса пляжирттай тIурча, «Березкагу» хIисавну, гьантлун 12 азараксса инсан игьалагайсса ур.
Ва райондалул администрациялул пишакарнал бусаврийну, вайннал, хаснува бакIчи СалихI Сагидовлул хъуннасса къулагъас дувайсса дур халкь бигьалагайсса, щинавун бучIайсса кIанттурдай марцIшиву даврих. ЖучIанма гьашину бувкIсса хъамаллуравух, Ухссавнил Ккавкказуллал регионнаясса бакъасса, Башкирнава, Алтай крайрая, Екатеринбурграя бувкIссагу бусса бур.
ХIадур дурссар
Залму АьбдурахIмановал
