ХъуцIурдил гьужум

2014 шинал Дагъусттаннай
ххуллийх нанисса хъуцIурдил гьухъала

[dropcap]И[/dropcap]юньдалул 27-нний Аьрасатнал Минсельхозрал Ххяххияртту дугьаврил механизациялул, химизациялул ва ххя­ххияртту дуруччаврил департаментрал директор Роман Некрасовлул дунни видеоконференциялул журалийсса батIаву.


[dropcap]М[/dropcap]у хас дурну дия билаятрал регионнай хъацIру ппив шаврицIун бавхIусса масъалалун.
БатIаврий ккаккан бувну бия ДР-лул шяраваллил хозяйствалул ва бакIлахъиялул министр­нал 1-ма хъиривчу Аьдилхан Ганакаев, министрнал хъиривчу Эмин ШайххIасанов, ДР-лул Россельхозцентрданул филиалданул каялувчи МахIаммад ХIажимахIаммадова ва цаймигу.
БатIаврий вичIи дирхьунни АПК-рал управленияр­ттал регионнал органнал каялувчитурал лухччай хъацIру къабагьаншиврул дуллалисса давурттал хIакъиравусса ихтилатирттах.

Аьдилхан Ганакаевлул тIимунийну, июньдалул 26-ннийнин ДР-лул Россельхозцентрданул филиалданул пишакартурал ххал диргьуну дур 247,3 азарда гектар аьрщарал, миннувасса 98,1 азарда гектарданий цIуницIа хIасул хьуну бур зиянчитал. Мунияту химиялул даруртту бивщуну бур 83,4 азарда гектарданий. ЦIанасса ппурттуву хъуцIурдищал талан личIи дурну дур 8 самолет, микссара аьрщарайсса техника – ГАРД системалул установкартту. Республикалий бур тамансса сертификация дусса химиялул даруртту ва цаймигу.

ХIадур бувссар
ХI. Аьдиловлул