Вай гьантрай МахIачкъалалив капитал ремонтрал фондрал вакилтал судирттал приставтуращал архIал рейдру дуллай занай бия, капремонтрахлу взносру къадуллалими буржру ла­хъан буллай.Ми лавгунни 50-нния ливчусса къатравун ва ларсунни 352 азаллий 545 къуруш. Бурж хьусса 2 инсаннал ичIаллил кьай-кьуйлий аьрист рирщунни.

---

Буржру хьуминнал хIакъираву судирттал хIукмурду бувссар, ми цивппа хушрай судрайн бучIан инкар хьуну тIий ва буржру къалахълай тIий.
МахIачкъалаллал Кировлул райондалул судрал пристав Мурад Аьлимирзаевлул тIимунийну, судирттал хIук­мурду бунувагу, инсантал инкар хъанай бур буржру ла­хъан.

Мукунминнай аькIригу дихьлахьиссар, билаятрал дазул кьатIувгу итакъабакьлакьи­ссар. Бурж хьуминнал ичIаллил хъус-кьини турграй дишингу бюхъайссар.
Фондрал ккаккиярттайн бувну, 2015-2019 шиннардий судирттайн дуркIун дур 29 азарда материал 394 млн. къурушрал бурж хьуминнал хIакъираву.

ХIадур бувссар
ХIасан Аьдиловлул