[dropcap]И[/dropcap]нсаннан оьрмулуву бугьан багьлан бикIай кIива ххуллу. Ца оьрму бутланшиврул аьркинсса, харжи булайсса касму, гамур дакIнил ва гьавасрал тIалав буллалимур.

Цалчинмур ххуллу сайки цинявннал бугьай­сса бухьурча, кIилчинмунилгу инсаннал дакIнил макьу цалий дацIавриву хъиннува хъунмасса кIану бугьлан бикIай.

Цаппара шиннардил хьхьичI на лавгссияв Хъусращиял школалийн оьрчIал ЦIусса шин хьунадакьлакьисса тяхъашиврух ябитан ва макьала чичин. Ттун ляличIинува ххуй ивзуна «дя­къил ттаттал» роль дургьусса инсан. Ххал арча, дякъил тта­ттал роль дургьусса инсан, адамина акъача, хъамитайпа бивкIун бия.Цуппагу школалий техничкану зузисса – Шагьмандарова Качар Шихамирдул душ. Ганияр махъгу Качар янилун багьайва райондалий шайсса фестиваллай, тяхъашивурттай, конкурсирттай.

Ва гьуртту шай мукунма Хъусращиял Халкьуннал театрданул ккаккан байсса номердавухгу. Конкурсирттай балай учайнигу, ванил бугьай хьхьичIунсса кIанттурду. Утти­гъанну на хьунаавкьура Качардущал, най бунува буллуссия укунсса суалгу:
— Качар, ина искусствалул ишру ххуйну нани бувсса инсан бурахха, вил хасъсса кIулшивугу дуссарив?
— Гьай-гьай, дуссар. Цурдагу дахху-ласулул ва цIигьуршиврул. Вай касмурдангурхха аьркинсса пагьму (пиш т1ий). На бувкку­ссар «Торгово-кулинарный училище». Зий бикIайссияв Хъусращиял колхозравугу. Бувссара 1953-ку шинал. Ца шинал на колхозраву хIасул бувссия 12 зузала усса — кIия адамина, ацIва хъамитайпа бусса бригада. Жу бувгьу­ссия нувщи, ларсъссия ца гектардания 198 центнер.

Ялагу ванил канилу творчествалул иширттавух хIала-гьурттуну тарбия буллай бур школалий дуклакисса арснал душ. Ванин цIагу дур Шагьмандарова Качар. Барчаллагь Качар ина жул кьинирду тирх учин дуллалаврихлу.

ХIадур бувссар
ХIажимурад ХIусайновлул