Июльданул 15-нния сентябрьданул 1-нин Аьрасатнал регионнай «Русский бас» тIисса Халкьуннал дянивсса фестиваль-конкурсрай гьуртту хьун ччиминная аьрзри кьамул буллантIиссар.
Ва дуллалиссар «Лев Лещенкол культуралул фонд» тIисса коммерциялул дакъасса сакиншиндарал. Ваний гьуртту хьун оьвтIий бур гьунар бусса, оьрмулул 18-35 шиннардивусса жагьилтурайн ва музыкалул школарттай, колледжирттаву ва вузирдаву ккалаккисса студентътурайн. Конкурсрал жюрилуву гьурттуну буссар билаятрай сий дусса музыкантътал ва композитортал.
