Минкомсвязьрал бакIчи – Кубаннай

Июльданул 2-нний ДР-лул информатизациялул, дахIаврил ва ма­ссалул коммуникациярттал министр Сергей Снегирев къуллугърал аьрххилий увкIунни Кубаннал ГАУ-лул (Государственный аграрный университет) прогнозру даврил ва мониторинграл центрданийн.


Кубаннай ца хъунмунин ккаллисса вузрал центрданул каялувчи Евгений Труфяклул ккаккан дурунни студентътуран лахьхьин байни ва АПК-лул пишакартурал кIулшиврул даража лавай байни ишла дувайсса симуляторду: оьргъашивуртту личIи-личIину дичинсса технологияртту, трактордансса ва комбайнардансса автопилотру, хъуруннансса ва техникалунсса спутникирттал мониторинг, инсан акъа леххайсса аппаратру ишла баву.

Презентациялул лагрулий мукунма ккаккан бунни Кубаннал ГАУ-лул учетно-опытный хозяйстварттал цифрардал элементру ишла даврил опыт.
«Центр беспилотной авиации» тIисса компаниялул директор Максим Кондратьевлул ва «Аэромакс» ООО-лул арардал эксперт Михаил Барабашлул ккаккан дурунни экономикалул арардаву пилот акъа ишла дайсса технологияр­ттал бюхъурду. Шяраваллил хозяйство ДР-лул экономикалул ца яла хьхьичI ххуттаймур бутIа хъанай бушивугу хIисавравун лавсун, жул пикрилий, хъуннасса агьамшиву дикIанссар Аьрасатнал регионал цифровизациялул опыт жучIавагу лахьхьаву. Мунийну бюхъанссия шяраваллил хозяйствалул каялувшиврул ярагъру ттизаманнул журалийн буцин», — увкунни Сергей Снегиревлул.

ХIадур бувссар
ХI. Аьдиловлул