Ислам Мазаев – ттигу ххувшаву ларсмари!

Июньдалул 17-нний ттул арснал арс Ислам Мазаев хьунни ттигу СКФО-лул всестиловой контактрал «Каратэ киокушинкайлул» чемпион.

Чемпионат хьунни Ухссавнил Ккавкказуллал кубокрал цIаний Къарачай-Чаргаснавусса Домбайрай.
Ислам Мазаевлун 13 шинни, къуртал бувссар 7 класс, кIушиву дур 55 кг. Ванал тарбиячину ур «Ояма-клубрал» тренер Хизри РахIимов.

«Соревнованияртту мукссара захIматсса дакъая, — тIий ур Ислам. – КIира талатавриву на бигьану ххув хьура. Махъра-махъмур талатаву, тIайлассар, дия захIматсса, цанчирча му­ттаэ ия ттуяр хъинну загълунсса, 70 кило дусса ца дев. Амма Аллагьнал кумаграйну ганаяргу на ххув хьура».
ТIайлабацIуртту чан къабаннав вин, Ислам!
Мазяйхъал Казбек