Артем Здунов: «Цифрардал формат – му ялун бучIантIимур бакъарча, му цIанамурди»

Июньдалул 22-нний ДР-лул ХIукуматрал Председатель Артем Здуновлул МахIачкъалалив дайдирхьунни «Цифровой прорыв» тIисса Щалагу Аьрасатнал конкурсрал дачIифинал.Му хъана­хъиссар «Россия – страна возможностей» АНО-лул флагман проектирдавасса ца.


Конкурс буллай бур ДГТУ-раву. Муний гьуртту хъанай бур информациярттал технологиярттал, проектирдал управлениярттал, дизайннал сянаткартал. Миннал ххуй-хъинми хIасиллу ккаккан дурссар батIул байсса ятIапрай. «Цифровой прорыв» конкурсрай гьуртту хьун республикалия заявкарду дуллуссар 500-нная ливчусса инсантурал. МахIачкъалаллащал архIал вай гьантрай конкурс хьунни Калининградрай, Тулалий, Омскалий ва Краснодардай.
36 ссятрай 3-5 инсан усса командартту зунтIиссар билаятрай гьарцаннал оьрму ххуй-хъин баврин хас дурсса проектирдаха.

Миннал хIадур дан аьркинссар дуккаврил ва элмулул, ЖКХ-лул ва шагьрулул бигьа лагай кIанттурдал, паччахIлугърал управлениялул ххуллурдан хас дурсса цифралул сервисрал журалийсса проектру.
Махъ лавхъунни Артем Здуновлул. Мунал тIимунийну, цIанасса ппурттуву Дагъусттаннай жура чялишну ишла дуллай буру цифралул экономикалул личIи-личIисса журарду – шяраваллил хозяйствалувугу, строительствалувугу, проектру ва дизайн хIадур давривугу. Ми жунна аьркинну дур. Мунияту аьркинссар тIайласса кьимат бищун гьурттучитурал давурттан, хъинну хIадур хьума ххув хьуншиврул.

Конкурсрай гьуртту хьуминнахь аьла-ссалам буллалисса чагъар тIайла бувккунни АьФ-лул Президентнал Администрациялул Каялувчи Сергей Кириенкол. Му бувккунни «Аьрасат – бюхъурдал билаят» тIисса проектирдал платформалул каялувчи Ирина Карихлул.
Конкурс «Цифровой прорыв» бухлай бур «Аьрасат – бюхъурдал билаят» тIисса платформалувун, му цурдагу дузал дурссар АьФ-лул Президент В. Путиннул. Платформалул ялун личин дуллали­ссар ва аьч дуллалиссар цифрардал технологиярттаха зузиминнал каширду.

Проектрал хъунмур мурад хъанахъиссар Аьрасатнаву цифралул экономикалуха зунсса цIусса пишакартал лякъаву. Конкурсрайн дуллуну дур Аьрасатнал циняв регионная 66 азаллий 474 заявка. Заочныйсса журалул ятIап къурталссар. Утти очныйсса мероприятияртту дуллай бур июньдалул 8-нния июльданул 28-нин Аьрасатнал 40 шагьрулий. Финалданий ххув хьун аьркинссар яла чIявусса кьиматру лавсъсса 20 команда.
Конкурсрал хIасиллу хIи­савравун ларсун ххув хьуми давурттай битлантIиссар.

ХIадур бувссар
ХI. Аьдиловлул