Санкт- Петербурглив Елена Образцован 80 шин шаврин хасну хьусса щалвагу Аьрасатнал музыкантътурал ва балайчитурал конкурсрай дунияллийх цIа ларгсса Бархъаллал шяраватусса Лайла СалихIовал кIива-кIива ххувшаврил диплом лавсунни: «фортепиано» номинациялуву цалчинмур кIану бувгьунни (учитель Аьбдуллаева Нина) ва «халкьуннал вокал» номинациялий (учитель Казакаева Маржанат) – шамилчинмур кIану.

---

Ванил гьунарданий хIайранну, ина буниялттунгу Дагъусттаннаятуссарав тIий, цIунилва-цIунил цIухлайгума бивкIун бур. Лайла цуппагу дук­лай бур Дагъусттаннал педуниверситетравусса Культуралул ва искусствалул институтрал магистратуралуву. Гьашинусса шин ванин тIайлабацIусса дур.

Музыкант хIисаврайгу, балайчи хIисаврайгу ва цуппа дуклаки­сса институтравугу хIурматрай бур, ванил гьунарданун тарбиячиталгу лахъсса кьимат бишлай бур. Санкт- Петербургливсса конкурсрайн гьансса аьрххилух­сса хIакь ванин буллуну бур Мариян Илиясовал цIанийсса «Дараччи» фондрал. «На хъунмасса барчаллагьрай бура, спонсоршиву дурну, чIарав бавцIусса Гульшан Хасаевайн, укунсса ка-кумаграл ттувугу шавкь ххи дунни, тIий бур. Жугу чIа тIий буру ванин цIу-цIусса ххувшавуртту ва дуллалимуниву тIайлабацIу.

П. Рамазанова