Гьашину 105 шин там хъанай дур «Къалайчитал» тIисса пьеса чивчуну ва цалчин ккаккан бувну. Мунил цалчинсса премьера хьуну дур 1914 шинал Гъумук.

Театрданул шинацIун бавхIуну, Лакрал театр­данул хIадур буллай бур Гьарун Саэдовлул «Къалайчитал» тIисса спектакльданул премьера.
Зулайхат Тахакьаева
Гьашину 105 шин там хъанай дур ва пьеса чивчуну ва цалчин ккаккан бувну. Мунил цалчин­сса премьера хьуну дур 1914 шинал Гъумук.
«Къалайчитал» хъунма­сса тIайлабацIу буну бивхьуну бур Лакрал театрдануву личIи-личIисса шиннардий.

ХIакьинусса кьинилул тIалавшингу хIисавравун ларсун, пьеса цIунилгу дунияллийн буккан буллай бур Москавлиясса режиссер, Гьарун Саэдовлул ссил арснал душ ПатIи МахIачевал. Спектакль хасгу буллай бур Гьарун Саэдов дунияллийн увккун 125 шин ва аьщун ивзун 100 шин там шаврил таварихрангу.

Ттуршукулул хьхьичI пьесалуву сукку дурсса тема, социал-экономикалул буруккинтту ва политикалул тагьар хIакьинусса кьинигу агьамнура личIлай дур. Спектакль чIюлу бувну бур халкьуннал балайрдайну ва Гьарун Саэдовлул шеърирдайну.
Спектакльданул премьера хьунтIиссар июль зурул 1-нний Лакрал театрдануву 18.30 ссят­раву, июль зурул 2-нний – Ва­ччав ва Гъумук.
ПатIи МахIачеващалсса ихтилат бикIантIиссар «Илчилул» хъиривмур номерданий.