Парламентрал ирглийсса сессиялий

Майрал 30-нний МахIачкъалалив хьунни ДР-лул Халкьуннал Мажлисрал 36-мур сессия.

Депутатътурал ххал бивгьунни «Ор­ганизациярттал культуралулгу, цIуллушиву дуруччаврилгу, дуккавр­илгу, социал иширтталгу арардаву дувайсса хIаллихшиннардал ххуй-оьккишиврун кьимат бищаврил хIасиллал хIакъиравусса ДР-лул БакIчи В.А. Васильевлул агьалинайнсса (публичный) отчетрал» масъала. Муния ихтилат бунни ДР-лул ХIукуматрал председательнал 1-ма хъиривчу Анатолий Карибовлул. Яла чулийн буккан бунни республикалий дакьаврил судьятал битаврил масъала.

Сессиялий ххал диргьунни «Дагъусттан Республикалий коррупциялийн къарши буккаврил хIакъираву» тIисса ДР-лул Закондалуву дахханашивуртту даврил проект, «КIанттул цилакаялувшиврул органнал лагмасса территориярттал дазурду ккаккан даврил низамрал хIакъираву» тIисса ДР-лул закондалул проект.
Сессиялий ххал бивгьунни цинявппагу 29 масъала.